Fyrrverandi Atlantsfarið sokkið við kai.

Myndir: Jógvan Pauli Haraldsen og Irish News

Fyrrverandi Atlantsfarið sokkið við kai.

Atlantsfarið úr Miðvági, sum í dag eitur Regina Caelis liggur sokkin við kai í Portaferry í Norður-Írlandi.

Tað var tann 27. januar 2017 at Regina Caelis sakk í Portaferry, í deilstatinum County Down, sum liggur í landsynningspartinum av Norður-Írlandi.

Regina Caelis fyrrverandi Atlantsfarið úr Føroyum, hevur ligið svínabundið við kai í Portaferry seinasta hálvt annað árið, heilt fram til skonnartin sakk niður við kaiini. Mynduleikarnir á staðnum leggja nú ætlanir um, hvussu skonnartin skal fáast á flot aftur og flytast burtur. Tað vóru 1000 litrar av gassolju í skipinum, sum høvdu dálking við sær í náttúruvakra økinum Strangford Lough sum er náttúruverndarøkið við altjóða viðurkenning.

 

Tað seinasta úr Norður-Írlandi er, at núverandi eigarin William Mulhall hevur sent donsku drotningini ein teldupost og biði um hjálp, sum ein roynd at bjargað skonnartini. (tí skipið er bygt í Danmark?). Annars hevur eigarin verið í samband við fleiri seglskip-áhugaðar um peningaliga stuðul, men enn uttan úrslit.

 

Regina Caelis fyrrverandi Atlantsfarið sokkið við kai í Portaferry - mynd: BBC
Regina Caelis fyrrverandi Atlantsfarið við kai í Portaferry summarið 2016 - mynd: Lawrence Edge
Fyri teym á Vestmanna: Sanna Maria, Atlantsfarið, Fjarðasandur og Atlanta - mynd: Páll Hellu

Fyri teym á Vestmanna

Tað var í 1978 at ein tónleikaproffessari úr Eysturríki keypti Atlantsfarið frá miðvingum, eftir at tað hevði ligið fyri teym á Vestmanna í fleiri ár. Hann og konan riggaðu til í eitt longri tíðarskeið við kai í Vestmanna. Tey silgdu við tær bretsku oyggjarnar og vóru nógv at síggja í Hetlandi, Orknoyggjunum og Hebridunum. Regina Caelis lá í Suður-Onglandi um veturin.

Grunnleggjandi útgerð umborð, so sum el-talvur, maskinrúm og umstýring er í upprunastandi, sambært Axel Skoubo, sum í fleiri umførðum hevur verið umborð á vitjan tey seinnu árini.

Atlantsfarið fyri teym á Vestmanna
Regina Caelis - mynd: Lawrence Edge

Skonnart bygd til Klaksvíkar

Ein lýsing av Regina Caelis fyrrverandi Atlantsfarinum pr. í dag ljóðar soleiðis: 3-mastra skonnart bygd í 1936 í Danmark, 108 føtur long og 40 føtur langt bógspryd og 10 segl. Maskinan er ein B&W Alpha Diesel á 233 Hk, sum er sett í skonnartina í 1954.

Skonnartin Atlantsfarið er bygd í 1936 hjá K.Andersen í Frederikssund í Danmark til felag í Klaksvík, sum J.F.Kjølbro reiðari og J.C.F.Isaksen skipari áttu. Atlantsfarið hevði KG452, í 1949 stendur einkjan eftir skiparan Anna K.Isaksen sum reiðari.

Atlantsfarið KG452 seinni Atlantsfarið VA75
Atlantsfarið VA75 í Grønlandi - mynd: Jógvan Pauli Haraldsen

Keyptur til Miðvágs

Í 1962 keypa Hans Hansen –Hassurin– og synir Atlantsfarið VA75 til Miðvágs, og brúktu skonnartina sum bátaskip í Grønlandi, aftaná góðu royndirnar við skonnartini Mars sum bátaskip, sum teir eisini áttu.

Fyrst í 70unum bleiv Atlantsfarið løgd fyri teym á Vestmanna og lá har fram til 1978, tá eysturríkarin keypti og gav skonnartini navnið Regina Caelis, sum enn ber sama navn og sum áður nevnt, nú liggur sokkin við kai í Portaferry í Norður-Írlandi.

janerik

Føroysk bátaskip uppankrað á Kappanum í Grønlandi í 60unum f.v.: Atlantsfarið úr Miðvági, Venus úr Sandavági, Hvítabjørn úr Havn og Marité úr Vági - Mynd: Bókin Marité.

Les meira um Hassin og skip hansara HER

Rættingar, viðmerkingar og myndir kunnu sendast til vagaskip@hotmail.com ella viðmerk niðanfyri.

janerik

Skriv en ny kommentar: (Klik her)

123hjemmeside.dk
Tegn tilbage: 160
OK Sender...

Meinhard | Svar 27.03.2018 14.50

Soleiðis endaði Atlantsfarið sínar dagar:
http://www.engineersjournal.ie/2018/03/06/regina-caelis-salvaged-cook-street-quay-county/

Ray Bruce Pickney 02.08.2018 23.35

My grandfather (Hans Hansen) owned this ship. I helped refurbish it before they sold it.

Jógvan J. Isaksen | Svar 15.03.2018 22.25

Teir, sum bygdu Atlansfari, vóru J.F. Kjølbro, keypmaður og Joen Frederik Isaksen, skipari (Billu Jógvan).

Billu Jógvan var abbi mín..

Se alle kommentarer

| Svar

Nyeste kommentarer

13.05 | 20:05

Hassurin was my grandfather. My mother was his 8th child. He was an amazing figure and we loved our times with him! Thank you for this history of his life!

...
08.09 | 01:33

Viðv Morgunstjørnan VA11 - her finna tit søguna hjá D/B Ruth í stuttum á Facebook profilinum hjá Tobba Vinaliga ÁD

...
29.06 | 01:11

Serða áhugavert at lesa søguna um Heimdal, árið 1919 var pápi mín føddur, 1919
hann var uppkallaður eftir Elias í Rættará,so Elias í Rættará var langabbi mín.

...
02.04 | 19:43

Eg veit ikki hvussu drongurin æt, men pápi mín Levi Petersen úr Hósvík segði at drongurin stóð á kaiini og málaði hana ,so á tann hátt fekk pápi mín myndina.

...
Du kan lide denne side