"Siglingarsøgan í Vágum" www.vagaskip.dk

18. september 2016


 

Høgifossur missur róðrið á heimleið úr Grønlandi í 1977.

Høgifossur var farin at sigla heim tollaksmessudag við fullari last av góðum Grønlands rækjum. Umborð vóru 15 mans og skipari var Svabo Joensen úr Sandavági. Hann hevði ikki verið skipari allan túrin, men var komin umborð 1. december. Alt vísti seg at rigga umborð, og jólaaftan var hildin sum vanligt.

Les meira HER

Varðberg í innsiglingini til Aberdeen - eftir George Wiseman - Ogn: Heri Niclasen

09. september 2016


Málningur av kolfýrda síðutrolaranum Varðberg úr Miðvági.

Mynd av málningi sum Aberdeen málarin George Wiseman (1906-1986) hevur mála.

George Wiseman byrjaði longu at gera skitsur av skipum í dokkini í Aberdeen, sum 12 ára gamal, og eitt stórt tal av málningum eru síðan latnir úr hansara hondum. Í endurminningum sigur George : Eg rokni við at mínir málningar finnast runt allan heim. Eg havi gjørt teir til skipsmenn, skiparar, reiðarar og vinir úr nógvum ymiskum londum. Enntá fyri skipasmiður hava eg mála, ímeðan skipini vóru í gerð og fram til tey blivu liðugt bygd.

Í 1930unum róku George og konan Nelly matstaðið ”Harbour Cafe” í Aberdeen, Harbour Cafe var staðið har nógvir sjómenn hittust.

Týskir, íslendskir og føroyskir skiparar, vildu ikki einans eta og drekka har inni, men provianterðaðu ofta ígjøgnum Wiseman og í flestu førum komu teir eisini við eini mynd av skipinum teir førdu, fyri at fáa George Wiseman at mála ein málning.

Hesin málningurin er av Varðberg, ávegis inn til Aberdeen. Skiparin á Varðberg, Jens Jacob Niclasen úr Miðvági, keypti henda málningin frá George Wiseman. Tað munnu finnast nógvar málningar eftir G. Wiseman í Føroyum ongin yvið um tað.

Í 1949 var Varðberg við Jens Jacob Niclasen skipara , við til at bjarga einum donskum farmaskipið inn á Miðvág. Manningin á Varðberg fekk bjargingarløn, skiparin  Jens Jacob Niclasen, lat eftir hetta, nýggjan bústað og hotel byggja í Miðvági. Tað sum vit í dag kenna sum ”Gamla Hotel” ella Magenta, sum var endurreist fyri kortum.

Les og sí fleiri myndir av Varðberg og eisini um hendingina við danska farmaskipinum. Trýst HER.

janerik

www.vagaskip

Gamla Hotel í Miðvági - mynd: Karstin Torbjørn Petersen
Sandavágstrolarin Torkil Ønundarson - málningur eftir George Wiseman - Eivind Gudmundsen maskinmeistari á Torkil keypti henda í Aberdeen - Ogn: Jona Gudmundsen

 

 


 

 

 

Vesturleiki í Grønlandi - mynd: Herning Simonsen

27.august 2016


Tað gongur skjótt at fylla Vesturleika

Í dag fór Vesturleiki at sigla móti Qasigiannguit við 240 tonsum í lastini.

Tað tók ikki meir enn 14 dagar hjá jollunum at fylla Vesturleika.

Vesturleiki landaði  í Qasigiannguit  tann13.august, 250 tons. Og túrin áðrenn tað landaðu teir 245 tons, eisini í Qasigiannguit, tað var 28. Juli.

Qasigiannguit kenna eldri føroyingar best sum Christians Håb.

Teir vóru inni í Ilulissat (Jakobshavn) 16. august og bunkraðu.

Herning Simonsen, skipari sigur at dagarnir eru ójavnir, 8 til 12 tons vera

“innhandla” onkran dag, aðrar dagar upp í 30 til 40 tons, tað mesta er

svartkalvi. Teir seinastu 10 dagarnar hava vit tikið ímóti 220 tonsun, tað

gevur 20 tons um døgnið í miðal.

www.vagaskip.dk

janerik

Vesturleiki rópti yvir VHF'in at nú var lastin skjótt full, 1/2 tíma eftir lógu 12 jollur og bíðaðu eftir tørni at landa :). Skiparin leggur afturat at nú vita teir hvat teir skullu gera tá ein slakk perioda er :) - mynd: Herning Simonsen
Vesturleiki er móttøkuskip hjá útróðrarmonnum í Grønlandi - mynd: Herning Simonsen
Runavik GG44 frá Fiskebäck - myndir: Hasse Karlsson, Johan Göthesson

24. august 2016


Fyrrverandi Lækkaklettur úr Miðvági rendi á land.

Seint týskvøldið rendi fyrrverandi Lækkaklettur úr Miðvági, sum í dag eitur Runavik GG44 og hevur heimstað í Fiskebäck í Svøríki á land uttanfyri fiskaríhavnina í Björkö.

Orsøkin til hví hetta hendi er enn ógreið, men skipið dreygaði knappliga í stýriborð, beint áðrenn innsiglingina til fiskaríhavnina í Björkö sum liggur uttanfyri Torslanda. Tað var eingin mannskaði tá Runavik silgdi á land og tað var ongantíð nakar vandi á ferð undir hendingini.

Runavik er kendur sum ein av teimun 9 polakkunum sum blivu bygdir til Føroyar í 1976 og ’77.

Runavik er upprunaliga bygdur sum Lækkaklettur VA6, við heimstaði í Miðvági, og eigari var eitt felag hjá Godtfred Joensen, skipið bleiv latið eigaranum í 1976 frá skipasmiðjuni  Szczecinska Stocznia í  Stettin í  Póllandi.

Í 1979 bleiv Lækkaklettur seldur inn á Strendir og fekk navnið Høgiklettur FD628. Og longu í 1982 kom skipið ”heimaftur” tá tað bleiv keypt til Sandavágs og fekk navnið Vágaklettur VA286.

Í 1985 keyptu vestmenningar Vágaklett, og góvu honum navnið Neptun, Neptun partrolaði við ein annan ”polakk” nevniliga Vesturleika, sum sama felag í Vestmanna keypti úr Sørvági.

Svenskarar keyptu skipið í 1991 og lógu longi á Runavík og riggaðu til, tað er helst frá hesi tíðini teir hava fingið sær navnið Runavik til skipið.

Tað var í 1974 at P/F Marknaðarrøkt var sett á stovn , og lat teir 9 Polen-línubátarnar byggja.

Hetta var ein røð av systurskipum uppá 9, millum mannað, vanliga kallaðir ”polakkarnir”.

Skipini blivu bygd í Stettin í Póllandi, sum línu- og garnaskip, nøkur blivu umbygd til trolara seinni.

Tað serstaka við hesari skipatypu var at 4 av 9 skipum vóru heimahoyrandi í Vágum, sum nýbygningar.

 

Teir komu í hesari røð:

1. Vaðhorn til Eiðis

2. Bláfossur til Tvøroyrar

3. Hamraberg til Miðvágs

4. Lækkaklettur til Miðvágs

5. Mascot til Toftir

6. Núpur til Klaksvíkar

7. Heldarstindur til Sandavágs

8. Vesturleiki til Sørvágs

9. Hagaleiti til Leirvíkar

Í dag eru bara Mascot og Sigmund fyrrverandi Vaðhorn eftir í føroyska fiskiflotanum.

 

Myndir: Hasse Karlsson, Johan Göthesson, Eddi Leyni, Páll Hellu

www.vagaskip.dk

janerik

Lækkaklettur VA6 - Miðvágur - Mynd: Eddi Leyni
Vágaklettur VA286 - Sandavágur - mynd: Páll Hellu
Venus VA51 & hini stállínuskipini 1956-1970 á facebook.

20. juli 2016


 Venus VA51 & hini stállínuskipini frá 1956 til 1970.

Á facebook er ein heimasíða við myndum av stállínuskipunum, sum komu sum nýbygningar til Føroyar og blivu bygd í Føroyum. Tað fyrsta kom í 1956 og myndasavnið gongur fram til 1970.

Tað er ikki neyðugt at hava facebook-vanga fyri at síggja myndirnar, tí hetta er ein sokallað webpage.

Síðan eitur Venus VA51 og sum navnið sigur byrjaði alt við einum stórum myndasavnið av myndum frá Venus sum eru fingnar til vega ymsastaðni frá. Takk skulu tit hava, sum hava hjálp til við myndum.

Les meir um stállínuskipini her á síðuni, tú finnur STÁLLÍNUSKIPINI niðarlaga í vinstru síðu ella trýst HER.

Niðast á STÁLLÍNUSKIPINI  eru leinkjur til íalt 80 myndamappur og 5 video á facebook síðuni Venus VA51.

Beinleiðis til facebook-síðuna Venus VA51 ella myndamappurnar trýst HER.

janerik

www.vagaskip.dk

 

 

 

Vesturleiki í Grønlandi - myndir: Heðin Hansen

17. juli 2016


Rokfiskiskapur í Grønlandi‏

Sørvágstrolarin Vesturleiki tekur ímóti svartkalva frá jollufiskarum í Grønlandi.
Í gjár fóru teir at sigla til Qasigiannguit við fullari last at landa.
Jollurnar fyltu Vesturleika uppá 8 døgn. 
Hetta er annar túrurin síðan teir byrjaðu fyrst í juli mánað, so teir hava tikið ímóti 400 tonsum av svartkalva í 16 dagar.
Hetta eru ótrúliga góðir fiskimenn, leggur skiparin á Vesturleika, Heðin Hansen úr Sørvági afturat.
 
janerik
 
 
 
Vesturvón í Barentshavinum 1980 - mynd: Jóhan Páll Joensen

Vestanstevnu sunnudag 10. juli 2016


Sørvágstrolarin Vesturvón frá 1969.

Les søguna hjá flotta sørvágstrolaranum Vesturvón bygdur í 1969, og sum hevði tvey systurskip í Klaksvík. Les um byggitíðina, um skipasmiðjuna Hatlø, um samstarvið við Laksafoss, um broytingar tíðina frá síðutrolara til hekkutrolara, um tveir maskinskaðar innanfyri sama ár, hoyr Jóhan Páll Joensen og Kára í Garði greiða frá umstøðunum umborð á Arctic Ranger fyrrverandi Vesturvón. Og til síðst men ikki minst, um hvussu seinastu árini hjá tí einaferð stolta farinum úr Sørvági, endaði sínar dagar sum sjóðrænararaskip á Suðurhøvum og til endan var søktur útfyri afrikonsku vesturstrondini.

Trýst HER ella finn VESTURVÓN 1969 úti í vinstru síðu.

janerik

www.vagaskip.dk

 

 

 

Eivind ávegis uppá beding hjá Mest - mynd: Hálvdan Gudmundsen, yngri.

09. juli 2016


Línuskipið Eivind nýggjan høvuðsmotor.

Eivind hevði trupuleikar við gearinum og bleiv sleipaður úr Kollafirði til Havnar tann 20. juni.

Tá gearið var gjøgnumgingið hjá skipasmiðjuni Mest, komu aðrir trupuleikar undan kavið við høvuðsmotorinum.

Serfrøðingar hjá motorverksmiðjuni komu til Føroyar og niðurstøðan bleiv at høvuðsmotorurin mátti skiftast.

Høvuðsmotorurin er belgiskur av slagnum ABC (Anglo Belgian Corporation) 6DZC og er 749 kW.

Reiðarin Hálvdan Gudmundsen sigur at leveringstíðin fyri ein nýggjan motor er lang, og eini 5 aðrir motorar stóðu á bíðleggingarlistanum hjá ABC at fáa motor. Tískil kemur ein nýggjur motorur í smærri lutum til Føroyar í bingju og verður settur saman á skipasmiðjuni Mest í Havn. Tað verða menn frá ABC sum koma at standa fyri arbeiðinum at samla motorin í hølum hjá Mest, við hjálp frá smiðjumonnum hjá Mest.

Uppá henda máta vinna vit 1,5 mánað í liggitíð, sigur Hálvdan at enda, sum annars er glaður um at feilurin bleiv funnin nú og ikki á fiskileiðum við til dømis Flemmis Cap.

Eivind bleiv tikin uppá beding fríggjadagin, og verður hol skorið í síðuna í maskinrúminum og gamli motorurin tikin úr, Mest stendur fyri hesum arbeiðinum.

Eivind er bygdur á Solstrand Verft í Tomrefjord í Noreg í 1988, og var keyptur til Sandavágs í 2014.

janerik

www.vagaskip.dk

Høvuðsmotorurin er belgiskur av slagnum ABC (Anglo Belgian Corporation) 6DZC og er 749 kW. - mynd: Jan Erik Simonsen

Skriv en ny kommentar: (Klik her)

123hjemmeside.dk
Tegn tilbage: 160
OK Sender...
Se alle kommentarer

| Svar

Nyeste kommentarer

27.05 | 21:39

Seldur til Noreg í 2002.

...
20.03 | 22:21

Hvar er skipið nú ?

...
01.11 | 14:42

Dette var nytt for meg. På den tid arbeidet jeg som tunellreparatør langt inne i fjellheimen, dårlig med aviser og radio:) Flott båt dette.

...
08.10 | 14:00

Viðvíkjandi Sinai VA6.
Bygdur 1950 í Esbjerg
1950 - 58 E720 Susanne OXHF
1958 - 79 Sinai
1979 E205 Jytte Lund

...
Du kan lide denne side